Kultur

SV ynskjer eit breitt kultur-, idretts- og friluftsliv som er ope og tilgjengeleg for alle, uavhengig av økonomi, kulturell bakgrunn, funksjonsnedsettingar, kjønn, seksuell orientering og alder.

Gjennom eit breitt kultur-, idretts- og friluftstilbod vil alle få høve til å utrykka oss på trygge arenaer. På denne måten kan kulturen, idretten og friluftslivet skapa gode rom for fellesskap og inkludering. 

SV vil:

• gi ungdom god tilgang til kulturopplevingar med kulturkort.
• utvikla støtteordningar som gjer det enklare å inkludera alle i lokalsamfunnet gjennom aktiv deltaking i kultur- og idrettslivet med bl.a. rusfrie arrangement.
• sikra fortsett støtte til bokprosjektet «Hele Rogaland leser».
• arbeida for auka støtte til scenekunstverksemd.
• at fylkeskommunen sine bygningar skal kunna brukast gratis som øvingslokale og møtelokale for kultur- og idrettsaktørar.
• styrka den kulturelle skulesekken.
• satsa meir på opplevingar framfor materielle gode.
• sikre tilgang til friluftsliv for alle. Personar med nedsatt funksjonsevne skal ha god tilgang til friluftsområde i heile fylket.
• styrke friluftsråda i Rogaland.